హేమావతి బొబ్బు "సమూహంలో ఏకాంతం"

అప్పుడే తెలతెలవారబోతోంది.  సూరిడు రోమాలను నిక్కపొడుచుకొని తొంగి తొంగి మేఘాలను దాటి ముందుకొచ్చి చూస్తున్నాడు.  మా మొబైల్ క్లినిక్ తారురోడ్లపై సర్రుమని దూసుకొని పోతున్నది.  డెంగు ఫీవర్ తో పల్లెలన్ని గడగాడలాడుతున్నాయని మా మెడికల్ కాలేజి కి ఎన్నెన్నో వినతులు రావడం మూలాన ఫ్రెష్ మేడికోస్  అయిన మమ్ములను ఇలా పల్లెలకి పంపారు.  కుర్రకారంతా ఆనందముతో కొత్త సినిమా పాటలకు లయబద్దంగా హం చేస్తూ ఊగుతున్నాము.  మా డ్రైవర్ కూడా కుర్రవాడు కావడం మూలాన ఒడుపుగా బండిని పరిగెత్తిస్తున్నాడు.  గతవారం నుండి మేము, మా లేడిడాక్టర్స్ రాత్రనక పగలనక పల్లె పల్లెకి మా క్లినిక్ ని తిప్పుతున్నాము.    ఉన్నట్లుండి మా డ్రైవర్  గావుకేక పెడుతూ మా వెహికల్ ని ఒక్క కుదుపుతో ఆపాడు.  అలా చూద్దుం కదా,  ఒక ముసల్ది రోడ్డుమీద ప్రాణం లేనట్లు పడి ఉంది.  మాకందరికీ ఒక్కసారిగా గుండె ఆగినంతపనైంది.  మా డ్రైవర్ గావుకేకలు పెడుతూ, ఒక్కసారిగా క్రిందకు దూకి, ఈ ముసల్ది చావడానికి హాస్పిటల్ బండే దొరికిందా అని తిడుతున్నాడు.   ఆతను మావైపు చూస్తూ తానెంతో జాగ్రత్తగా బండ...

మా పుట్టింట్లో పెద్ద మునగచెట్టు ఉండేది. చెట్టు నిండుగా చివుర్లు, పూతలతో కళకళలాడుతుండేది. ఇంట్లో అంత ఎసరు పెట్టుకుంటే చాలు, కూరకు కమ్మని మునగ పప్పు, మునగ చారు తయారుగా ఉండేవి. మేమందరము పనికి పోయి కష్టపడి ఇంటికి రాగానే మా అమ్మ పెట్టిన వేడివేడి రాగిసంగటి, ఎండుచేపలు వేసిన మునక్కాయ పులుసును లొట్టలు వేసుకొంటూ తినేవాళ్ళం. నాకు పెండ్లయినాక ఎప్పుడైనా పుట్టింటికి పోయినప్పుడు తప్పనిసరిగా ఆ లేత చిగురులను  తాలింపు  పెట్టించేదాన్ని. కమ్మని ఆ రుచి నాకు ఇంకెక్కడా తగలలేదు. మేము టౌన్లొ చిన్న ఇల్లు కట్టగానే నేను ఆ మునగ కొమ్మను తెచ్చి మా పెరట్లొ పాతాను.  అప్పటికి నాకొడుకు ఇంకా చేతికి అందిరాలేదు. టౌన్లొ ఏది కొనాలన్నా కష్టమే. నాలుగు కడుపులు నింపడానికి నేను, నా మొగుడు చానా అవస్థలు పడ్డాము. మా ముసలాడు చూస్తే నాలుగు పదులు రాకనే అదేదో మాయజారి జబ్బుతో శక్తిలేనివాడై పనికిపోక ఇంట్లో కూర్చోని తినబెట్టినాడు. నాలుగు చేతులు ఆడుతుంటేనే కష్టమైన రోజుల్లొ, నేనొక్కటే పనికి పోబెట్టినాను. కొడుకు చేతికి ఎప్పుడు అందివస్తాడా అని చూస్తున్నా.  నేను మా పెరట్లో నాటిన మునగకొమ్మ ...

https://www.gotelugu.com/telugustories/view/10762/deeksha       ఆ రోజు మా స్కూల్ ఎంతో కళకళలాడుతోంది. పిల్లలందరూ సంతోషముతో తుళ్ళి పడుతూ స్కూల్ సిల్వర్ జూబ్లీ ఫంక్షన్ కి హాజరవుతూ ఉన్నారు. అన్ని రోజుల మా కష్టాన్ని పిల్లల ఆనందముతో మరచిపోయాము. ముఖ్య అతిథిగా మా ఊరి నుంచి మినిస్టర్ గా ఎన్నికయిన ఎం.ఎల్.ఏ ని పిలుద్దామని మా హెడ్మాస్టర్ ని ఎంతో ప్రాధేయపడ్డాము. ఆయన ఓ పట్టాన ఒప్పుకోలేదు. మా స్కూల్ ఒకప్పటి ఓల్డ్ స్టూడెంట్ ప్రస్తుత  త్రోబాల్ ఛాంపియన్ అయిన సదాశివాన్ని పిలవాలని ఆయన నిర్ణయించుకున్నారు. మినిస్టర్ చేతుల మీదుగా అతనికి సన్మానం చేయాలని నిర్ణయించారు.  ఆయన నిర్ణయాన్ని మేము హర్షించ లేకపోయినా, సిల్వర్ జూబ్లీ ఫంక్షన్ కి కావాల్సిన ఏర్పాట్లన్నీ, ఆహ్వాన పత్రిక ముద్రించడం దగ్గరనుండి, స్కూల్ ఫంక్షన్ కి స్పాన్సర్స్ ని వెతకడం వరకు అన్నీ మేము ముందుండి చూసుకున్నాము. మాకు మా హెడ్మాస్టర్ మీద ఎంతో గౌరవం మరియు నమ్మకమూను. ఆయన స్వతహాగా చాలా మితభాషి. కానీ న్యూ టీచింగ్ మెథడ్స్ ద్వారా పిల్లలకు పాఠాలను బొధించడాన్ని ఎంతో ఎంకరేజ్ చేస్తారు. స్కూల్లో పిల్లలను ఎంతో ప్రేమగా చూసేవార...

నీలో నేను నేను లేను లేనడం నిజం కాదు........ నాలో నీవు నీవు లేవు మాలో మీరు మీరు కారు మనం............ మనం అన్నది నిజం ! మనం విన్నది సత్యం ! నువ్వే నేను నాలో నీవు అదే మనం...... 

ఏది నీదనుకొంటావో అది ఎప్పటికి నీది కాదు నీది కాదనుకున్నది నీదవ్వడం, అది సత్యం ! ప్రపంచములో నాదనుకున్నది ఏది లేదు, నేను తప్ప నేను కూడా నా మనిషిని కాను, నీ "మనీ" షిని !

నిన్ను మరచిపోవాలని హృదయాన్ని శిలగా మార్చుకొంటే నీ ఙ్ఞాపకాలు ఆ శిలని శిల్పంగా మలుచుతున్నాయి!   ఆ శిలా శిల్పం నీవే అయితే, నిన్ను మరవడం ఎలా? కాలపు ప్రయాణములో క్షీణిస్తున్న ఙ్ఞాపకాలు  వాలుతున్న సౌధాలు బీటలు ఇస్తున్న బురుజులపై పునర్నిర్మించాను మన ఙ్ఞాపకాల సౌధాన్ని మరిన్ని ఙ్ఞాపకాలు ప్రొగుచేసి ........ నిన్ను మరువకుండా!!!

లోకమంటే తెలుసా నీకు  లోతెరగక నమ్మేవెందుకు పరిగెడితే పదమంటుంది పడిపోతే వదిలేస్తుంది  భయపడితే భయపెడుతుంది ఎదురుతిరిగినప్పుడు మౌనం వహిస్తుంది  నిండు జీవితం కావాలి నిజం తెలుసుకోవాలంటే మృతువు ముంగిట నిలవాలి ముందు మేలుకోవాలంటే ......

పెళ్ళి గురించి, నాకు కాబోయే భర్త గురించి అందరూ అమ్మాయిల లాగే నేను ఎన్నెన్నో కలలు కన్నాను.  పచ్చని పందిరి లో వేద మంత్రాల సాక్షిగా, పారాణి కాళ్ళతో పసుపు బట్టలతో నేను అతను ఒకటవ్వాలని, చిన్నతనం నుంచి పుట్ట పుట్ట కి పాలు పోసి ఆ నాగ దేవత ని ప్రార్థించే దాన్ని మంచి మొగుడు రావాలని. కార్తీక మాసాన చన్నీళ్ళ స్నానం, కటిక అమావాస్య రాత్రుల్లో శివారాధన, వేకువజామున విష్ణు పూజలు, నవగ్రహారాధన, వ్రతాలు  ఎన్నో.  అమ్మమ్మ చెప్పేది నీ పూజలు వృధా కావు,  నీ కోసం రాకుమారుడు ఎక్కడో ఎప్పుడో పుట్టి ఉంటాడు అని. అందరూ చక్కగా క్లాస్ పుస్తకాలు చదువుతుంటే నేను విష్ణు సహస్రనామాలు చదివేదాన్ని. ఆరోజు రానే వచ్చింది. అతను రావడం నన్ను చూడటం నేను నచ్చానని నన్నే పెళ్లాడతానని అన్నప్పుడు నాకు ఎంతో గర్వంగా అనిపించింది. ఆ పెళ్ళి ముహూర్తం కోసం ఎదురుచూడసాగాను.  మా పెళ్ళి ఎంతో ఘనంగా జరిగింది. నాతో చదువుకున్న నా స్నేహితులు నా పెళ్ళికి వచ్చినప్పుడు నేను, నా భర్తని ఎంతో గొప్పగా వాళ్ళకి పరిచయం చేశాను. మా పెళ్ళి ముచ్చట్లు అయిపోయిన వెంటనే మా ఆయన నన్ను కాపురానికి తీసుకుని వెళ్ళాడు. అందరు నన్ను ఎంతో అ...

టప టప రాలే చినుకులు చిటపట లాడే మంటలు డమ డమమనే ఉరుములూ తలుక్కుమనే మెరుపులు సలసల కాగే నీళ్ళు గల గల పారే సెలయేరు  చురుక్కుమనే ఎండలు గాలికి ఊగే ఊడలు తుర్రుమనే పిట్టలు గుండె కలుక్కుమనే ఏడ్పులు చిర్రుబుర్రులాడే మనుషులు చరచర పాకే పాములు కేర్ మనే చిన్నారి పాపలు కలుక్కుమనే పంటికింద రాళ్ళు ఊప్ మని ఊదే బుడగలు గడగడ తాగే నీళ్ళు చెవిలో హోరు గుండె చప్పుడు చిటికెల హేళలు చప్పట్ల హోరు బ్రేవ్ మని తేపే మనుషులు కడుపులోని గుడగుడలు జలజల కారే కన్నీళ్ళు ఈదురు గాలులు కిర్రుమనే... కీచురాళ్ళు కాలిపట్టీల చిరుమువ్వల సవ్వడి   ప్రకృతే ఒక వింత సవ్వడి లేనిది ఎక్కడ

 (http://vihanga.com/?p=3276)   నీవు తీరానివైతే నా అలలు అలజడులై నాలోని కోరికలై సుడులు తిరుగుతూ ఊ......ప్ మని ఉప్పెనగా సాగి నీపై మోహంతో నిన్ను ఒడిసిపట్టుకోవాలని నిన్ను ఒరుసుకొనిపోతూ నిన్ను ఉక్కిరి బిక్కిరి చేస్తూ మౌనంగా నీవు నన్ను సహిస్తూ నాలోని జీవానివి నీవై  పగలంతా ప్రశాంతతా రాత్రైతే నీఒడిలో పసిపాపనై సవ్వడి చేయక ప్రపంచమంతా నిద్దురలో జోగుతుంటే నా నెచ్చెలి చెక్కిలిపై చిరుచెమట కూడా నాకు అమృతమేకదా

https://sanchika.com/rudrabhoomi-dr-bh-poem/   నువ్వన్నావు నా గురించి నీకేమి తెలుసని నేనన్నాను ప్చ్.... నాకేమి తెలియదని   నువ్వన్నావు నేనంటే నీకెందుకంత ప్రేమని నేనన్నాను జాబిలి అంటే  ఎవ్వరికి ఇష్టముండదని నువ్వన్నావు మరి నన్ను వదలి వెళ్ళవుకదా అని నేనన్నాను కలలో కూడా నీతోటే నేనని     నువ్వన్నావు ఫారిన్ చాన్సని రేపే ప్రయాణమని నేనన్నాను నీకల నిజమైందని త్వరగా తిరిగిరమ్మని నువ్వన్నావు నాన్న మాట కాదనలేనని పెళ్ళికి తొందరని నేనన్నాను నీ తరువాతే నాకెవరైనా అని నువ్వన్నావు చెల్లి పెళ్ళి చేయాలని కట్నం కావాలని నేనన్నాను  నా మనస్సు నీదని  ధనదాహం తీరనిదని నువ్వన్నావు తల్లితండ్రుల మాట జవదాటనని   నేనన్నాను నీమాట కాదనలేనని ...........   నువ్వన్నావు నిన్ను ఎన్నటికి మరువనని నా హృదయం నీ దని   నేనన్నాను నీకు హృదయమే లేదని అది ఒక రుద్రభూమి అని     

  https://vihanga.com/?p=32671   మోజుపడి నీవు మోహంతో నా వెంట పడ్డ ఆనాడు నా బాహ్యదృష్టికి నీవొక ప్రేమికుడివి  కాని నా అంతఃదృష్టికి నీవోక సాధకుడివి  నా నీడకూడా ఏ క్షణం నిన్ను మరువలేదు    కౌమారములో నీవు నన్ను మాయ చేసి బుద్దిహీనుడవై మరలిపొయావు తిరిగి ఇక రానని పూర్ణవయస్కుడవై మరలి వచ్చి  నువ్వు నేను ఒకటన్నవు ఏంటి తాళి అంటే ఎగతాళా ? రెక్కలు తెగిన పక్షి వలే నేను నేల వాలిన నాడు రాబందువులు నాకై కాచుకున్న నేడు  నేను నీకోసం తిరిగి చూడలేదు నీవు నన్ను మోహంతో బందిస్తావని తెగిన గాలిపటము దిక్కులేక సుడిగాలితో స్తానబ్రంశమై  కాసింత వాలు కోసం వెదకిన నాడు నిన్ను ద్వేషించలేదు తీరం దరిచేరిన నేడు జీవించలేను రాతియుగంలో ఎడారి మొక్కలా ...........నిన్నటి నేటితో ఇసుకపర్రలలో దాగిన నీటికోసం అర్రులు చాస్తూ పరదాల మాటున ఉన్నా నేను  తోడేలు నీడనైనా ఎదిరించగలను ముఖాముఖి  

రాలిపొయిన పూవు వికశించునా వాడిన చెట్టు చిగురించునేమో కాని గడచిన కాలం మరలి వచ్చునా  నీరు ఆవిరై మరుక్షణం మేఘమై   పిల్లతెమ్మెర స్పర్శకే వర్షించును తిరిగి నీరై కాని మరలిపొయిన గతాన్ని పునఃదర్శించగలమా  విత్తిన నమ్మకం మానై వటవృక్షమై రెమ్మలకి పూలై పండి తిరిగి విత్తనమై భవిష్యత్తున నీ దొసిటిని నింపునేమోకాని నిరర్థకమున పండు కాయవునా ..........  గాలివానకి దూరమైన మట్టిరేణువులు మరలి వచ్చి తుఫానుగా మారి ఏకమై సుడిగాలిలా చుట్టి జీవితాన్ని కుదుపేయగలవు  కాని విడిపోవునా కుటుంబంలోని ప్రేమబందాలు చిగురించగలవు కూలిన వృక్షపు కాండాలు కూడా  కాని పచ్చని పంట పండే భూములపై వేసిన ఇసుక మేట నమ్మకాన్నే మార్చును బీడుభూమిగా  నశిస్తుంది ప్రేమ కూడా తిరిగి చిగురించక ..........

తన మనస్సులోని జలపాతాలన్ని కళ్ళతో పలికిస్తూ  ఉరవళ్ళు పరవళ్ళు తొక్కుతూ నా హృదయలోగిలిలో వెన్నెల జల్లులై  కురుస్తూ సెగలు పొగలు కక్కుతూ సెలయేటి నీటినే తాకుచూ దివంగాలకావల  మేమిరువరము ఏకమైన వేళ  వయస్సు ఉరకలేస్తూ ప్రొద్దువాలుతూ పడమటికి కాని మనస్సు కోరికలతో తూర్పున భళ్ళున వెలుగులు పూస్తున్న సూరీనివలే  నా కాష్టం కాలుతున్న చప్పుడులేదు కాని పరపరా నా గుండెని రంపపు ముళ్ళతో కోస్తున్న చప్పుడు నాకు కంపరము పుట్టిస్తూ నా తల్లి ఒడిలో జోలపాడుతూ నన్ను మురిపిస్తుంటే తన చనుబాలలోనుండీ రాలుతున్న రక్తాశ్రువులు నా మనస్సుని చల్లారుస్తూ ఏది జీవితం  నాది అనేది శూన్యమని తలస్తూ  ............ పుట్టడమనేది చావటంకోసమని మరణమనేది నిత్యమని  పుట్టుక మరణం ఆది అంతం లేక సాగిపోవునని