చెల్లని కాసు

ఎంతో అందమైనదానినని నాకు పొగరు

కన్నుల మిలమిల నా వంటి తళతళ

అందరూ నన్ను కావాలనుకొనేవాళ్ళే

హృదయంలో పదిలపరచుకొనేవాళ్ళే

నా చుట్టూ అల్లుకొన్న కథలు ఎన్నో

కూటికి బిచ్చగాడైన్న కోటికి నవాబైనా

గుప్పెట్లో వెచ్చగా నిద్రపుచ్చినవారే

కలల్లొ నేనే

ఆడించా పాడించా కవ్వించా

నన్నుచేజిక్కించుకొవడానికి

గిరగిర గాలిలో నన్ను తిప్పి బొమ్మా బొరుసు ఆడి

నాకోసం ప్రాణం వదిలిన వాళ్ళెందరో

నన్ను చూడగానే చిన్నారుల కళ్ళళ్ళో మెరుపులు

ముసలి వాని పడుచు పెళ్ళాం నన్నోరొజు

నా మీద మోజు తీరిందన్నది

నన్నో చెల్లని కాసన్నది

వీది గుమ్మం వైపు విసిరి కొట్టింది

తమకంతో నన్నందుకొంటారేమోనని నేచూసాను

నన్నందరూ చూసి నవ్విపొయిరి

నేను తగనని

నిన్నటికి నేనెంతో విలువైనదానిని

ఈరోజు నాకాళ్ళు కడిగి దానం చేసేవారేరి
నేనైనాను బిడియాన్ని వదలించే సిగ్గుబిళ్ళని
చెల్లని కాసుని

హేమావతి బొబ్బు "సమూహంలో ఏకాంతం"