మరుపెంత కావాలి నీ కళ్ళు చూడకుండ ఉండటానికి

(https://sanchika.com/marupenta-kaavali-nee-kallu-choodakundaa-undadaaniki-dr-bh-poem/)

 

ఎక్కే రైలు, దిగే బస్సు
సాగే నడక
అంతా నీ కోసం
నా ఆరాటం
నీ స్నేహం ఎంతో
మాధుర్యమైనదని
అది నా హృదయాన్నే నింపినదని 
నీకు తెలియనిదేమి
మనము మిత్రులమో కానివారమో
నాకెరుక లేకపోయనేమి 
నిన్ను చూస్తే
కంటికెదురుగా వర్షాన్నేచూసినట్లు  
మాసిన గాయం మళ్ళీ రేగెనేమి   
ఎంత జీవితం చూసానేమి  
నాకంత విశాల హృదయం ఉండటానికి   
మరుపెంత కావాలి నీ కళ్ళు  
చూడకుండ ఉండటానికి
కనుసన్నలలొనుండి నీ మోము 
నే చూచాను, హృదయం లోని
గాయం కరుగగా వర్షించేను మేఘమై