చీకటి రాత్రి

చీకటి రాత్రి, చిరు

గాలికి వాకిలి తెరచిన చప్పుడు

నీవేనేమోననుకొన్నాను

గుడిగంటల చిరుసవ్వడులు

రాత్రి నైవేద్యము కాబోలు

కర్పూరం సువాసన, ఎటునుండో

పెరటిలో అమ్మ మాటలు

లేగదూడ మొరాయింపులు

ఎందుకో ఈ ఎదురుచూపులు

తెల్లని వెన్నెల మా వాకిట

చెదరిన ఎదువరసల ముత్యాలముగ్గు

దట్టమైన మంచు,

సన్నటి ఈల పాట సందుచివర్లో

చిరుజల్లుల పూల వాన

ఈ తుంపర తుఫానౌతున్నదా

తొలిప్రోద్దునకు సూరీడికెందుకంత తొందర తొందర